أمي يا أعز الناس وشمحلة ترباهة
جمع احلى الصفات الباري وأنطاها
--------
حنان وكلب ابيض والجفن سهران
تذوب وهي دوم بالضحكة تلكاها
--------
ربتنة بصدك وغذتة هالاحســــاس
ددليني يا بشر بهالدنية يسواها
--------
علمتنة الشجاعة وحبنة لاهل البيت
ولون واحدنة عثر هو يلوذ بحماها
--------
بالك يعلة صوتك من تحاجيــــهة
ولا اوف التكلهة ولا يوم تنساها
--------
هي نبعة طيب من رب السماء
هي جنة بأرضنة وعاين شمحلاها
--------
اذكر جم تعب من سهرت اسنين
ذيج الحنونة وبالك تنسى ملكاها
--------
بالك من يجي ويهل عليك العيـــــد
كبل الناس اركض انتــــة ضنواها
---------
لا تبخل ابوسة وادعي من ربك
هالبر والمحبة انت هناك تلكاها
---------
تدري بوسة منك اثكل الميـــــزان
وتدر ي شكد سعيد الي وفة وياها
--------
ذنبك لو جبل يتلاشة وية الريـــــح
ويا ريح الاشد من ريح مرضـــــاها
موضوع: قصيدة الام جميله جدا 
الجمعة 26 سبتمبر 2008, 3:45 pm
