يلي سلبت الگلب

يلي سلبت الگلب من بين الضلوع
بلچي تعيده وتردلي حياتي
عگبك تراني اصبحت بالنار ملچوع
ريتك جريب تكون ليلات مماتي
خليتني يازين امشي بلاطوع
مثل الي تاه الفكر منه بفلاتي
واسگيتني ياشوگ من الكدر نوع
حنضل يسل الروح ويگص حشاتي
علمتني درس له فروع
ماينفهم معناه ولاله مفاتي
ريتك بواحد مثلك يكيف على اللوع
يلقنك دروس صعاب بالهم تباتي
اليسلب گلوب الناس تلگاه مصروع
الله يجازي النذل بارذل صفاتي



منقوله عن الشاعر الكبير ابن تكريت غالب يعگوب العبيدي









زودونا بالردود مع تحياتي روح القوافي

يسلمووووو روح القوافي تقبل مروري