صبيحه وشط الحقلانيه

شط الحقلانيه يفرفح لو مرت من يمه صبيحه
ايگوم ابطوله ويصرخ داده حطيلي من ازلوفچ ريحه
من ضحكتها الحلوه الوادم تلبس ثوب وتنزع ثوب
وگلوب الشارع من يطفه تطلع صبحه بميت گلوب
وافطور الصايم يتعطل تطلع صبحه يثور الطوب
وكل الحقلانيه تعيد هذا الصوب وذاك الصوب
ماگوللكم كلش حلوه بس ياعالم مدري شبيه
لاكلش سمره ولابيضه 00 مدري شلون الله مسويه
تاخذ عگلك باول نضره00 وفنك تعصه وماتنطيه
مدري شلون الشارع صابر00 لسه ماماكل رجليه
ومدري شلون البيست يلمه 00 ومدري شلون امه تغطيه
حته الوردات يعرفنه 00 وحته العصفور يتانيه
چا ليش البطران يلومك 00 موحگك تتسودن بيه


لونثرت صبحه گصايبهه 00 العاگر تحبل والحبله تجيب
تتناوب هيه وشمس الله 00 تطلع وحده ووحده تغيب
لساحات التدريب من تمر 00 يبرد كل عرگ التدريب
لو زارت صبحه المستشفى 00 تخف وكل المرضه تطيب
انته الشاعر گالت صبحه 00 وضحكت عن فرط الرمان
ومدري شصار ومدري شسوت 00 لانه الصاحي ولا حلمان
من ضحكت طارت عصفوره 00 من الروح وركضت نهران
ورديت ودوخته براسي 00 ثگلانه جفوني ونعسان
وتيهت البيت من النشوه 00


وطبيت لبيت الجيران







مع تحياتي روح القوافي

شكرا

شكرا لك روح القوافي على هذه الابداع الجميل

شكرررررررررررا روح القوافي على القصيده المميزه














مع تحياتي روح الانبار

شكرا جزيلا الا خوه باعثين ردودهم على قصيدة صبيحه

اتمنى لكم وافر المواهب الخلاقه وبانتظار مساهماتكم



مع تحياتي \\\\
روح القافي

شكرا لك على هذه المساهمة الجميله
وصح لسانك يا روح القوافي ونتظر ابداعاتك الجميله