يابوسة تكفي خدودك الحلوات

يا بوسه التكفي خدودك الحلوات؟؟؟
اذا كل جسمك انته يشبهه الخدك
صدك كلك خدود وبيك اظل محتار
انسى اني شبست يا جزء من عندك
لا تدور زعل تدريني اني اهواك
خلك شاعر الك من تزعل شحدك
تريد شلون اعوفك وانته فرصة روح
ترد بجيتك تتنفس بجلدك
اريد اعرف جمالك هم ورث موروث
لو انته انتقاله ومحد بكدك
اذا موروث هسه ابدي بصنع تمثال
لكن من ذهب وانقش وجه جدك
لأن سوه جميل وابد ما مسبوق
كنت قطعه ثمينه وعالارض مدك
بس انته انتقاله بحسنك الما صار
واظن عصر الجمال تجدد بعهدك
يا عقدة حبل في زمن كله الغاز
الي يحلك بعد ما يعرف يشدك
ما اكدر اوصف بالرمش والعين
الشعر من نفسه يخجل ماوصل حدك
بس راح اختصر بالخصر ومظه انطيك
مثل ملك يتبختر والبشر جندك
من يميل يمنه الكون كله يمين
ويلغي باليسار ويلتزم عقدك
لا تزعل اذا تماديت بالتوصيف
حبيبي لخاطر الله منتظر ردك
مع تحياتي لكمahmad_iraq37@yahoo.com