صرايف عشك روحي وكصرتلك
ونفس وكت المنازع وكت صرتلك
طويل واعلى منك وكصرت لك
حتى تلوح من تبوس ادية
ذبل هرش الكلب لجلك وخاوة
وطمع ما اريد من عندك وخاوة
الفضل مو للذي عاشر وخاوة
الفضل والطيب لليذكر خوية
احبة وما احب واحد بدالة
وياذنب البدة مني وبدالة
الك منصوب بكليبي بدالة
خطك على النبض يشتغل بية
وحك الي خلق بلكونين آلاء
مثل عين الغزالة عيون آلاء
امد ايدي عليهه اتكول اوه لاء
تأدب لا تمد ايدك عليه
هسه العتب وياك ان اوانه
وعليك الليل كله انه وانه
يالتهدد بالنفاهه انه وانه
وينك مو طبك دهري عليه
جروحي تحرشن بيه وعالن
وانه الما كاشف همومي وعالن
بحلاة النوم فز كلبي وعا لن
اخوتي وربعي اجو جتاله اليه
روحي وياك ما اكطع وصلها
وتفرح لو خبر منك وصلها
نسبها دورت عنه وأصلهه
لكيته يعود الك ما يعود اليه
امفارك والليالي أيام مرن
وعلي صار لذيذ الزاد مرن
طفر قلبي على النقال من رن
لان حسيت روحي ادك علية
أشوف الظلمه بعيونك تراضه
وبالعب يوم فركاكم تراضه
عوف الزعل كافي نتراضة
ونعيد ايامنا الحلوة سوية
الك دمعي الحبستة والجريتة
والك كل العملتة والجريتة
والك عمري شعلتة وجريتة
حتة اشويلك اسنيني ابادية
$$$$$$$$$$$$$$$$$$$$$$
احس من يون كلبك ونتة عدي
اريد العمر يخلص ونتة عدي
جسمي بساط افرشة ونتة عدي
هلبت تعثر وتوكع علية
فراكك حيل اذانه ولمنه
يالبدارك جان مجلسنا ولمنه
يااب اليحن مثلك ولمنه
عزيز ويصعب فراكك عليه
ترف ياللي بطريق الهجر ماشيت
عجب بجفاك عني العقل ماشيت
عاندني وتدلل وأخذ ماشيت
بس لا تبخل بوصلك عليه
************************
لذيذ العيش الي والزاد ماطاب
وجرحي الجنت اظنه يطيب مطاب
يكلولي شعجب للسوك ماطاب
كلت مزروع دربه شوج اليه
سنة دمعي مله جفوني وشنا سال
وسنة مجنون خلاني وسنا سال
وسنة بحبال جتفني وسناسل
وسنة هدني وكعد يضحك علية
اضل للموت اصيحاً.. بسمك انة
حروفي بوسط اسمك .. بسمك انة
اعربك بسم انة و .. بسم كانة
اذا اعرب غلط تصبح قضية
أحس كل البشر ماله حك بيك
وحك طيب إلزرعته ومالحك بيك
الكلب ملهوف يركض مالحك بيك
رغم كل شي قريب أنته عليه
الكلب عاف البشر كلهم والك راد
مشة مسافر تذكركم والك رد
عرب ما طيبو علتي ولا كراد
دواية انتة يهل مبعد علية
شفت بالطيف شخصك سالماني
همت ودموع عيني سالماني
علي تسأل ياصاحب سالم اني
عزيز وشوفتك شحت عليه
يكاس العمر ماظل وشل بيك
ويجرحي لشوكت تنزف وشل بيك
تكلي ليش متمرمر وشل بيك
تهت منهو اليدلني عليه
عيونك صيف مامرهن شته الهن
ومصايب شوكك بقلبي شــــتلهن
تكلي اسحــب همومك شتــــلهن
حيل ثكال راوني المنــــيــة
انا الواضح والمبين ولا اخاف
وانا المارجفت جدامي ولا اخاف
وانا المانكص وزني ولاخف
اختفيت وخفت خف وزن العليه
يعلمني زماني دروس .. ونسه
وعلى حالي بجت رضعان .. ونسه
انه الجنت للخلان .. ونسه
صرت مكروه محد يمر بيه
يل تنشد عليه حامدي اني
واظل للموت والله حامي ديني
هلي وربعي واخوتي حامديني
اشك الكاع لو عالو عليه
شعرك هذا لو قطعه من الغيم
يحفظك ياحلو ربي من الغيم
دكظني خلصت كصتي من الغم
من ما اشوفك تجي الاهات بيه
تمر وعلي ساترهه بختهه
حچت ونار البگلبي بختهه
بخت من كال بدلهه بختهه
شلون الذهب والفضة سوية؟
**********************
منقولة للامانة
كبل عنكود خدك يمي داني
صطيت وجفن عينك يمي داني
اغم كصتي واصيحن يمداني
يمي وماخذت ثاري بديية
تسعر نار كلبي...منكبرى
ولافد يوم افكر ...منكبرى
انه الخيط مني... ومنكبرى
واخيط شفتي وشفتك سوية
انه وياك نصدك من قسمنة
لان ظلينا واحد من قسمنة
احب انسانة بس مو من قسمنه
بقسم التربيةالبالقادسية
هلي وياهم چنت عايش بلاهم
ونهاري شماضوى مظلم بلاهم
هلي مدري الوكت شنهو بلاهم
ولاهم اعرفوا بالصار بيه
هواكم اثر بعقلي ودارة
ومنو مثلي الج وفة ودارة
سمعت بقيس عاف اهلة ودارة
عليكم ماحمل مثلي اذية
موضوع: ابوذيات 1 
الإثنين 29 سبتمبر 2008, 1:34 pm
