نكات رووووووووعه

تحشيشات
- بمناسبة عيد الحب . وحدة راحت لأبو مكتبة كالتله : عندك كارت مكتوب عليه الى حبيبي الوحيد؟
كللها: إي موجود. كالتله : انطيني 14 واحد .

- كردي سأل هندي كله:كاكا انتو شتسوون بالميت؟كلله:كاكا احنا نحركه . و انتو؟كله : كاكا احنا ندفنه
و ربك يحركه .

-اكو فد واحد كل يوم الصبح يستيقظ مدهوش , فد يوم استيقظ ما مدهوش فأندهش .

-هل تعلم كيف كان اليابانيون القدماء يختارون اسم المولود الجديد؟
(يصعدون فوك جبل فوجي و يشمرون صينية ستيل و الصوت اللي يطلع هوة اسم الطفل, مثلا:جن يون وانك)


-حشاش سأل صاحبه(هم حشاش)كله: وين رايح؟كله: ما ادري. و انت؟كله: هم ما ادري.كله:دمشي لعد لنتأخر!

-حشاش محافظ شي من القران طلعله جني بالليل غناله طلع البدر علينا.

-ثنين حشاشة ديقلدون سيارة الشرطة , واحد يصيح : ويويويويويو ....... و الثاني يصيح: احمر .. ازرك .. احمر .. ازرك


-حشاش عطس, صاحبه كح, كله:ليش تغير الموضوع؟

-استاذ كال للطلاب:اللي يحس نفسه غبي خلي يوكف, فـ كام طالب وكف. سأله الاستاذ: انت تحس نفسك غبي؟ جاوبه الطالب:لا استاذ بس استحيت اعوفك واكف وحدك!!!

-واحد سأل ابنه:لك ليش الاستاذ كاتبلك بالدفتر حمار؟ جاوبه:لا بابا هذا توقيعه.!!!

-واحد ديفيك على أبنه كله: أبني نابليون من جان بعمرك جان دائما يطلع الاول.. ابنه هم طلع محشش فجاوبه كله:بابا و نابليون من جان بعمرك جان امبراطور.

-مدرس سأل طالب: لك ليش متأخر؟ جاوبه: أستاذ مو ابويه جان ديضرب اخويه بحذائي....!!!


-طالب ابوه يشتغل فتاح فال, فد يوم مدرس العربي سأله: ما هي ادوات النصب؟ كله عباية و لحية و سبحة101 .!!!!

-كردي سأل صاحبه كله: ماتشوفلي الاشارة مال السيارة تشتغل لو لا؟ فـ صاحبه باوع و كله:أي..لا..اي..لا

-جريدة بالناصرية ناشرين صورة واحد ديعبر رجال اعمى و كاتبين جواها(متى تنتهي هذه الظاهرةتحياتي لكم احمد العراقي