ابوذيات على الجرح المجروح

يحفضني زماني دروس .. ونسه
وعلى حالي بجت رضعان .. ونسه
آنه الي جنت للخوان .. ونسه
صرت مذموم محد يرضه بيه


شو بس آنه زماني وياي ..خوان
وخلاني وحيد بغير .. خوان
اعتمدت اعله الصديج وطلع .. خوان
الموت يعز ولا عيشه رديه



حلو اسمك وابوك اشلون .. سماك
وحبيبك لو زعل وياك .. سماك
اصيرن سمج وانت اليوم .. سماج
امن اطيح ابشبكتك تعطف عليه



اريد اخبط زميج الرمل .. والحر
وادور عل صديج الوفي .. والحر
نخيت الهل وابو الحسنين .. والحر
يحفظ كل اخو يذكر خويـــه


انا الما جفيتك ليش .. تجفيت
وعلى گلبي المصايب عدل .. تجفيت
هم يصح الهذا الگلب .. تجفيت
اريد اسأل ابهاي الفيتريــــــه



شهد گلبي على حبهم .. شهاده
وتمنيت العمر يگضي .. شهاده
جنت بالمدرسه رايد .. شهاده
خذتهه من علي حامي الحميه



تهزهز يا گبر وانفض .. ترابيك
عزيز الروح هل نايم .. ترابيك
اجاني العيد وعيوني .. ترابيك
گوم ولا تشمت اعداي بيـــــه




بنيت ابيوت بالشعله .. وسومر
ووجهي من التعب مولح .. وسومر
الناس اتدخن اگريفن .. وسومر
ونه التتنات ما طاحن بديــــه