احمد العراقي
مشرف عام
عدد الرسائل : 651
العمر : 36
العمل/الترفيه : ؟؟؟؟
المزاج : رايق
عارضة الطاقه :
رقم العضويه : 4
تاريخ التسجيل : 21/09/2008
 |  موضوع: اهداء خاص لكل انسان فقد اعز ما يملك  الجمعة 03 أكتوبر 2008, 7:56 pm | |
| احس ليلي اليمر ذيب وينام وياي
يظل ينهش دليلي الطلعت انهاري
شتفيد السوالف بيــه نار وضيم
تظل حسرة وعبرتي مطرزه اشعاري
اعذروني الدمع ماخله ليــه افراح
ولا ظل للفرح بشعاري من طاري
البوم اكَفت رحيل وفاركَتني اتنوح
ومن كَد البجي مني ارتحل جاري
يا دمع اشوكت سولفلي بالله ارجوك
لي يمته وتظل فوكَ الوجن ساري
الناس اهواي بلّوتها وألمها يهون
وانا فدكَي ابعزيز الروح متواري
يوميه الصور تجرح نظرها العين
بكل صوب وكتر صوره الها بدياري
امي وبيه حسرة اتهدل الجبال
وعليج الحد لحظتي اموجره ابناري
صُبن حيل دمجن ونعي ام يعيون
بعد اجراً عليمن اكتم الجـــاري
اصيح امي ويرد مخنوكَ عبره الصوت
مثل خنجر يرد ويكَطع اوتاري
من كَد الصراخ اتكَطعن اوتاري
ياناس يوم الفكَد مدري دمه لو مي
السال من مهجتي مانفع بي لومي
لومي عليه بعد يا دنيتــــي لومي
شيفيد اخذني الحزن مافادني الوني
وبجلاي ذيبه ومجاري انيابها الوني
لو يرد ليه الرحــــــــل وينفع الوني
والله طول العمر لبجي ابدمه لمي
تستاهل ابجي الدمه هاي الحنينه امي
آه يافقدالاحباب
انتظر ردودكم مع تحياااتي لكم احمد العراقي @2008 | |
|
