ابد ما هود

اكله اكطع ونينك عاد صار من الخلك منكود

كافي اتحنت الشمات يوم الشافتك منكود

يبس هلة الدمعات لتخلي الدمع مهدود

جدرك بالنوايب فار وي نار الشماته اينود

والشامت يزيد النار ويخلي الحطب بارود

خلي الهل ونين حدود

يرد ويكول ابد ماهود

اسكته وعلى اعنادي ايزود

ويون ون يفطر الجلمود

ابد ماهود ابد ماهود

البست ثوب الحزن تفصال لونه من اليالي السود

من يوم الحدى الحداي دمعي ايهل يصاح اجبود

ممحله الهم شواطي الروح من يوم اللفى الصيهود

ماضن نبع المحبين يطغى وعالجوالي ايزود

وظل امناطر الجيه

ودليلي اعلى الدرب مشدود

وذوب شمعة اسنيني ويظل خيط الامل معكود

وترجى الضعون اتعود

وترد البسمه لشفافي وعلي بيهم زماني ايجود

وت رد الفرحه بجناح الحنان اتدور

وي هبة النسيم اتنود

وزرع عالدرب ريحان ونثر للجدام اورود

وساكيها ابدمع عيناي ماطول النبض موجود

وبكى اسكب دمع حراك يحفر عالخدود اخدود





احن وتذكر الماضي وظل امعاشر الاهات

وظل بالليل اصافن وحسب النجمات

وناغي الروح ياروحي شيرده الفات

ليالي الفاتن شما كدرن حلوات

شما بيهن حزن ومرادف اللوعات

محاجي الجانن شما غبرن حلوات

احن النور الولايات

احن البسمه الطيبه التغازل شفة الحلوات

احن للماضي والطرواه

وذوبن كل وكت شوغات

وظل اموسد اوسادي جمر لوعات

بي عشعش زمان الظيم والحزن ابثنيتي ايبات

وعلي امزاود اسهام الدهر حزمات

صرت منخل الف ياحيف

ثخينه ومكبل الطعنات

لجن اكبر جرح بحشاي يوم اتحنت الشمات

يوم اتحنت الشمات