يسويهه البخت وتروح مني

خلصتهن ورقه ورقه وماقريتج

ورددت اخر رساله

البيها من كتلك تعال وما اجيتج

ليش ما اجيت وشفتني؟؟؟

اكسر الخاطر ادور عالصبح بيبانه مسدوده لكيتج

ليش ما اجيت وشفتني؟؟

بس قميص مطرگ ويشرب جكابر كاعد بعتبه البيت (الله واكبر)

وما اصدك تجي وتشوفك العين ؟

وهم يمر عليه يوم والاگيك

لو صح الي ابالي وجيت يازين

يضيع لساني مني وابيش احاجيك؟؟

اصيرن عين كلي بطرگ جفنين

واحير بياجفن منهن اخليك؟؟؟

عليّ سوي فضل يالجيتك ليل

تعال وداعتك بعيوني اخليك

اتانيك ولهفتي تسابك العين

وادري ماتجي بس انه اتانيك

تمنيتك عُمر وينه التمني ؟؟؟

ولكيتك بالتعب بس خاب ظني

وبعد ماعودتني بشوفك ارتاح

تريد تروح ياريحه التفاح؟؟؟؟

يسويهه البخت وتروح مني

اني من اشتاگ ما احمل الفرگه

اصيرن نار حتى الماي احرگه

تذوب الروح اطيحن ورگــه ورگــه

وارد التم ولامكطوع چني

يسويهه البخت وتروح مني ؟؟؟

تحياتي الكم احمد العراقي@2008