ابوذيات عراقيه جميله جدا

مدري الغلط عدك مدري عدي
مدري اوكف واطالب مدري
واكولن ينصلح ويرد اليه

ادك عليك يكول الطلب جاري
وعليك الدمع فوك الوجن جاري
ريتك يالعزيز تكون جاري
واشوفك كل صبح ومسيه

بعيد ولا جنح عندي امركم
وصرت خاضع لامر الله وامركم
البعد لا بد يوم يخلص وامرلكم
واعاتب كل محب ما يسأل عليه

الك بايع دليلي وانت حير بيه
اموت اني بجمالك وانتحر بيه
افجر كلمن يحبك وانتحر بيه
لان حبك مخصوصي بس اليه

كلبي كلما اطشره يرد صامت
و روحي من حزنهه عليك صامت
جهازي من اخلي بوضع صامت
يصرخ من تدك انته عليه

افكر بيك يا صاحب ولا انام
ولا غمض جفن العين ولا نام
احن اكعد كبالك ولا انام
عزيز وشوفتك حصره عليه

يا صاحب طال هجرك مر علينه
موحته الزاد من بعدك مر علينه
اذا بعدك تحبنه مر علينه
وكروة التكسي خليهه عليه

يا رب الموضوع عجبكم لا تبخلون علي بردودكم تحياتي لكم احمد العراقي@2008