هديه لعيون الغاليه

اريد اليوم اسولف واحجي فد موظوع

وافتح صفحتي واقره بكتابي

واريد اليوم الغي شغله بيهه الناس

كتبتهه بكتب واحسب حسابي

كالو لو بشر يمشي بوسط صحراء

يلاحظ بس سراب وكل شي ما بي

بس شفتج سراب واحلى من الكون

متروس بورد زيد عذابي

بس عينج حديقه وبيهه مية لون

اتيه بنصهه واحتار بجوابي

وشفافج الذ من كل عسل بالكون

يتمنى الورد لو بيهه رابي

معذوره البشر ماعرفتج لليوم

ولا شافت سراب بكد سرابي

شعرج ليل دافي يهب علي نسمات

يا نسمة فجر اعتب عتابي

تدريني اعزج وانتي واحة روح

بيهه ارتاح من ضيمي وعذابي

واشتاق ارد اشوفج عيني بس عليج

ضلت بالدرب تبجي وترابي

لا تبعدين لحظه شلون اصبر الروح

من فركاج زيدتي انتحابي

لو كل العمر يمي احس مشتاق

غيابج سر عذابي وسر غيابي

اعزج للابد مو فقط حد الموت

اعزج تسمعيهه من ترابي