احساس الحب

موضوع: احساس الحب الأحد 19 أكتوبر 2008, 2:06 am

إحسـ الحـــــب ــــاس::
أبي أرسل رساله حب لقلب أغلى وأعز إنسان
أبي كل المشاعر داخلي يمه أوديها
أبي شخص ملك قلبي ملك بي صادق الوجدان
ملك روحي ملك عقلي ملكني بكل معانيها
لووو يبعد لووو يبعد لووو يبعد
غلاه بداخلي ساكن
وتأكد لو تروح الروح
(تبقى إنت غاليها )!!
.
.
.
إحســ الامــانـي ـــاس::
ليتني حبر بيدينك أقلب أفكاري حروف
اكتب اللي قد كتمته وما أبي غيرك يراها
ليتني ظل بنهارك .ليتني بليلك طيوف
اسهر الليل بخيالك واسمعك لا قلت آه
.
.
.
إحســ الـــوداع ـــــاس::
لاتحسب اللي في قلبي لك شوي
لاتحسبك شخص مر ونسيته
إنت لي الدنيا ولعيوني الضي
إنت غناتي والرجا اللي رجيته
حلفت مانساك مادمت حي
حتى السهر علشانك هويته
لاتحسب اللي في قلبي لك شوي
درب الغلا توني بديته؟!
.
.
.
إحســـ الذكــــــــرى ــــاس:
تذكرني الغربه مع فرقا أعز الناس
سفينه تايهه بالموج تبحث عن موانيها
ذكرتك يوم ودعتك
وضاعت مني الأنفاس
بكت عيني على فرقاك لكن من يواسيها؟
.
.
.
إحسـ الإعتــــذار ــــــاس::
لماقلبي ارتعد وحس بالحاجه لسند
وقتها يسمع فؤادي كل نبرات الآسف
وطال بعدك وانتظرت
وانتظرت
غطى دنياي الآسى
وقلبي حطمه القدر
مدري هي زحمه مشاعر
<والا الزمن وفى بوعد>
.
.
.
إحســ الالــــم ــــــاس::
ياللي تغرك ضحكتي بعض الأوقات
أحيان بعض الضحك معناه موتي
أوقات تلقاني أحاكيك بسكات
يوم الكلام يموت داخل سكوتي
يوم الحناجر تحتضر فيها الآهات
واعجز عن الشكوى ولو طال صوتي
.
.
.
إحسـ خيـــانة الايــام ـــــاس::
خانت الأيام شخص ما يخون
ولا هقيت إنه كذا طبع الزمن
كيف أصبر وأعيش مغبون
كيف أدفا طالما حظي اندفن
بس ليه أشكي وأحسب للظنون
ورأس مالي تالي الدنيا كفن
ذي بداية والنهاية وش تكون؟
هو يزول الهم عني؟
مـا أظـن
.
.
.
إحســـــ الشوق ــــــاس::
إن مت بين إيديك من الشوق ملهوف
موتي رضا دام المقابر عيونك
أرجوووك لاتقطع بوصلك أو الشوف
شوقي
وروحي
والمشاعر
"يبونك"
وصلك دوا لاتبخل بسطر وحروف
ماأحيا أنا بالكون لاصرت دونك!٠٠٠٠٠٠٠٠٠٠٠٠٠٠٠٠٠٠٠٠٠٠٠

» الحب
» صوت الحب
» الحب اعمى
» كل عام وأنت الحب
» خاطره عن الحب