ابوذيات محاورة حلوة والله

زمان الغير كليبك وداره
ياما كليبي سعالك وداره
جنت للدلال ام انته واداره
وصرت كل ضيم المضة والمر علية

الثاني
زمان الغيرك عني ودارك
وجانت عيوني فراشك ودارك
انة الزمان ما دارني ولك دارك
جنت اذا ما ابوسك تعتب عليه
*****************************
الاول
الزمان يدور بحالي دوارة
احشملك اهالي الشعلة والدورة
افتح باب دلالي ودورة
وشوف شكد محمل ضيم واذية

الثاني
بين بحور اعبرلك وادورك
ما ينفع لا مالك ولا قصرك ودورك
اخذ دوري بالدنيا ودورك
وشوف ياهو الصعب ردة الية
****************************
الاول
بشغف حبي ادوخنك واديرك
بوسط الكلب اسكنك وديرك
دوة لعضاي اشربنك واديرك
يلكلك حلو وما منك اذية

الثاني
بشغف حبي دلالك اديرة
بوسط روحي حبك اديرة
وحلكك لحلكي اعضنة واديرة!!!
وابوسك حيل واحضنك عليييييييية