ابوذيات حلوة

عشرتك روحي صدك ماتمله
وكلبي عله ايام سعدك ماتمله
أريد أنصب لروحي مأتم أله
وأشوفك هم تجي وتبجي عليه
******




لومرة تمر مثل الشماته
وأنه لنحرك ولك يسمر شماته
علي مغرور كالولي أبشماته
صحيح أبشامتك مغرور عليه
******




لو تذكر رباي وياك ولعن
ولا تنغر علي لي بيك ولعين
فرضنا لو أسبك حيل ولعن
هم أبغيض ولك تزعل علية
******




لو تعرفني أحبك وشته منك
لأنك منطي للواشي وشتمنك
أريد اليوم أحظنك وشتم منك
وأشوفك هم تذب روحك علية
******




لو رأسن تكلي أرجوك هدنه
وتعاركني وتريد النوب هدنه
ولك والله العشك وياك هدنه
مريض أنه تعال أسئل عليه
******




وشوف أشلون حالي من تسلني
ولكن صدك سيف من تسلني
الدمع يغلب جوابي من تسئلني
أضحك بالجذب غصبن عليه
******




ياصاح طال هجرك مر علينه
وحتى الزاد عكبك مر علينه
أذا بعدك تحبنه مر علينه
ونشوفك كل صبح ومسية