ابوذيات 2

وحق حيدر شديد العزم والياس
زرعت ادروبكم بالورد والياس
منكم ماقطعت الرجه واليأس
عزاز وتصعب الفركه عليه


عيوني من البواجي عليك يعمن
ومالوما شلش لوكال يعمن
علوي حلو يانس يعمن
لجن كشخيل هو الخان بيه



محد حل لغز حبك حلالاي
وغيرك بلبشر لاضن حلالاي
نذر لو صار لبالي حلالاي
اجيب عيوني اطشهن واهليه


اريد انشد شعر فصـحـى و شعـبي
و اشـيد بشيمة اجدادي و شعـبي
و اخبر كل شعر عنهم و اشـع بي
و أگـول اشعارهـم و الابوذيــة

هلي خلو علي حراس .. وعيون
ومن دمعي جرى نهرين .. وعيون
شلون خدود عندك ياولف .. وعيون
كبار ويامحلا نظرتهن علية

احبك وغير حبك .. لايلفني
وعسى منامي بعد فركاك .. لايلفني
دخيلك لف شعرك .. لايلفني
حرير ويلعب بين ادية


الروح تعرف تنصف من نصفهة
والمعاني البيك اعجز من اصفهة
يم خدك الورده من اصفهة
هواي اجمل تعترف هية

هجرت القلم بعدك ولكتاب
دليلي من العشگ يسمر ولكتاب
وحگ العرش ولقبله ولكتاب
بذكركم كل صباح وكل مسيه.

السمة والكاع لو مر ماتلمني
اون وجروح كلبي ماتلمني
انتة لو شايف حلاتة ماتلمني
تكابلني وتظل تلطم علية

نبيع الروح للينشد علينه
وصبح ثوب الحزن لايك علينه
وحك عباس والحمزه وعلينه
نظل ننشد عليكم للمنيه

حبك شامه بخدودي ودكــه
واحط بالكلب بسمارك وادكه
شكم دكه شفت منك ودكــه
ورغم كل هذا احبك مو بديه

بفلوس الخمط صافن ولاهاي
دبي يحلف يسويهه ولاهاي
لاذيج التصح هسه ولاهاي
أولا تبليط ضل بالناصريه

دمع عيني بغيابك بره سايل
وعليك الكلب يطلع بره سايل
ما ينفع غزلنه برسايل اريد الغزل وانت بين اديه
خلص دمعي بغيابك دمعة دمعة
وتظل دش لحياتي صافي دمعة
كل الناس طابوكة بس انت دمعة
وفدوة يروحلك حتى الثرية

البيت الى الشيخ بدر الرميض رحمة الله عليه..
حسن يبني تلكه الضيف حي بيه
عسه زاد الغثيث اسموم حي بيه
منهو الجمع ماله وحي بيه
جفني وجفن المجدي سويه

ربك لليريده باب هدله
وانه دشداشتي امن الزيج هدله
الجلب لو شاف اخوه انوله هدله
وانه اخواني اصبحوا عدوان اليه

سبح باليبلك ابلا الولدتك اخوه
بس من الغل والحقد الكلب اخوه
انت لو صحت تلكانه لسميه اخوه
بصايه الله ورسوله واولاد الزجيه


صديقي الماخذ بشورة وراية
اثاري يطعن بضهري وراية
علك لافتة بضيجي وراية
واشوفة بلا خجل يضحك علية

يدنيه بظيمج اعله الراس نفطي
ولون الوجه هم انكلب نفطي
يكتلني ويكلي البلد نفطي
النفط الهم والمفخخ اليه


الزعل بينك وبيني ابعيد خله
واحنا من الصبا ياصاح خله
تسدلي انت واسدلك دوم خله
وحجيهم عم عليك وعم عليه


عليك الروح تنشد ما تمرهه
وامرهه مو بديهه ومات امرهه
وعليك اليوم نعقد مؤتمرهه
وتحدد جدوله بموعد الجيه

صرتو انتم سوالفنا وحجينا
وعليك بخير صدكني حجينا
حبيبي ارجوك جاوبنة حاجينا
من تزعل تضيج الروح بية

ياترف لو نفترض ربك محلاك
هم يجي واحد وياخذ محـلاك
عكدتك بلكلب عكده محــلاك
الا وي الكلب تطلع سويــه


انضر ما مدى الكراهيه بين الاخوين وخاصتن اذا شعراء ولكم الرد عليهم
الاول..
تحل روحي تلم بالماي جزيت __ مثل الزيت
والله ومن عشرتك حيل جزيت __ جاز
كتبت اسمك رجعت النوب جزيت
اسمك واكطعت جفين اديه
الثاني..
من راسه الخيانه حته جازه __ حتى الرجل
واحس الروح منه حته جازه جازه اسمك ماكتبته حته اجزه
شتظن بدفتري اكتب رديه
ولان المصالحه بينهم بعد حوالي 13 عشر سنه من الفراق
الاول..
كضه مخزن عتاتي فشكه فشكه
واحس كلبي تشضه فشكه فشكه
السيف المايعجبك فشكه فشكه
اكسمه أثنين وانعل حته ابيه
الثاني..
كضه مخزن عتاتي طلقه طلقه
والشخص المايعجبك طلقه طلقه
لسانك لاتحبسه اطلقه طلقه
احجي شماردت زينه ورديه

جواب الى الاخت بنت الزهراء..
حبيبي العلي رب الكون من بيه
وجله هم العليه الجان من بيه
تعال وشوف هذا الكلب من بيه
اذا غيرك علي اعتب عليه
.... .... .... .... .... ....
ابو سفيان من بعدك ولاني
ولا انته خلصت منه ولا اني
لان من صرخت انته ولي اني
بغضت اهل الجهل والجاهليه

اريدالياس منك ياسه ياسه
وهذا الكلب صدك ياسه ياسه
تريد تحجي بسياسه ياسياسه
سايستك كبل دكيت بيه


عليك القيت حجة والقيامة
يا ما براسك احجي والقيامة
تدري الحشر يمتة والقيامة
القيامة والحشر من تزعل عليه
**** **** **** ****
لساني كبال حلو الطول لك لك
وحذرك لا تكلي النوب لك لك
لغيرك ما يصير الكلب لك لك
لأن انت شراكة وياي بية