ابوذيات منوعه

اكطع منخدودك ورد وشتم
ولا ادري شبقة من العمر وشتم
مرخص ولك سبني وشتم
شتايمكم ثواب لوالديه

يطارش هاك مكتوبي وسر بيه
حنين الكلب بسطوره وسر بيه
اخبره شوكت نتلاكه وسر بيه
وعلى كل بيت اطشن واهليه

حميتك دافعت عنك ورحماك
الطعن اهون ولا لوذن ورحماك
كلت اوليك ما اعوفك ورحماك
وليت وطيبتي عمت علية
بحب حسين شرد اوصف وشملي
اسمه امًوسم بگلبي وشملي
بالمحشر لون شمله وشملي
انجمع واشكيله حبه شعمل بيه
**********************
بحور امحبتك يحسين ماجن
وجن ليل الولاء وغيره ماجن
عابس لوله حبك چان ماجن
مثل عابس غرامك صار بيه
******************
يبو اليمه وحگ مسلم وهاني
احبك لاتظن حبك وهاني
بالمحشر سعيد أنه وهاني
شفيعي انته يبن سيد البريه
******************
ظهري امن الغُرب يحسين حنيت
ومثل هاليوم ازورك ولله حنيت
لچن يم الكاظم اچفوفي حنيت
رغم بعُدك يبو اليمه عليه

انا لصحنك صرت غاسل و جالي
و بيه من المرض مغصة و جالي
حبيب الروح خابرني و جا لي
و لكه نار الالم مشعولة بيه

اتحب بية طبع لاذم ولا داس
وجدماني ما مشت شينة ولاداس
لهاذا ما ربح حضي ولا داس
وصفة حتى الربح خسران الية


انة الما يوم خلة وياك خليت
شجاك وبالظهر سجين خليت
شعندي وشبعد ياترف خليت
صفة حتى البدي هم موش الية
طبعك مو شجي وكتلك شجاني
اشجنيت وياك بس كلي شجاني
أمس جنت انحضن وانشم شجاني
قنفذ والحظن حصره علية

القلب مارف على غيرك ولامال
خلص عمري من كثر وعودك والامال
ابد لاولف عندي يأنسنيـ ولامال
الونس انته حبيبي وهاي هيه

نحيل الجسم من بعدك تراني
@ واريدك دوم بعيونك تراني
@ افكر بيك كل لحظه تراني
@ واسالك هم تفكر دوم بيه

حبك بالضلــع بسمار منــدك
وحـس كلبي يسولف بيك من دك
كمت اركـــض عالنقال من دك
لان ادري العزيز اتصل بيه

صرت مرهون حبك وانت راهن
وعليه ايام هجرك ون تراهن
تجي مره انتواجه وانتراهن
منو الاكثر يحب ويود اخيه

للمرحوم الشهيد رحيم المالكي
ابد مايرحم الطايح وكتنه
جمعنه ورجع طشرنه وكتنه
اصيح على الفرح اوكف وكتنه
تركني وماسمعني ورد عليه

اشرفنك على العالم وفضلك
ودمعي ماجرى لغيرك وفضلك
انه من اذكر بعض طيبك وفضلك
اشكرك كل صباح وكل مسية

وكف وكت الهوا بيناولادار
ونشف فرع العشك يسمر ولادر
يتامى ولاوطن لمناولادار
عكبكم والدمع هم شح عليه

وكَع كَلبي بغرامك مات شيله*
وترى كَلبي التعذب مات شيله*
اخابر وانت تسمع وماتشيله*
وينك ياحلو بس رد عليه .

مره ابتعد عنك مرتاني
مره العسل منه مرتاني
مره بغفل بسته مرتاني
مره من الشفايف مرگصته
مره احجيله گصتي مر كصته
مره اشبع بطوله مركصته
ومره انطني روحي ومر اخيره
مره بدربي اول مر اخيره
مره نطيته فرصه مرخيره
اذا مايعتزل اعشكلي ميه

بنار الهجر صدك مايعاني
ونشف من كثر دمعي ماي عاني
تريداتشوف كلبي ومايعاني
مد ايدك جهنم تلكه بيه


من هجرك بقى الدلال بس تك*
لتلعب على الحبلين بس تك*
امس بالحلم مدري منين بستك*
لان كلك حلو وتاهت عليه
وحق رصعة خدودك وحق شفتك
انسبيت بيوم وسط الخلك شفتك
إشيخلصني بعد شرتاح؟ شفتك؟
تبعد تقترب نفس الاذية

انصاب اللي نظرلك حمى لو شل
والشامت من جمالك حمل وشال
صدرك طكً اشوفة حمل وشال
أحضنك حتى لو صرت المنية ؟؟