اكوم اجلالا لحسنك وقفلك
وسجل كلبي ياخلي وقفلك
واحطك بي وقفلنه وقفلك
وطب بصدري وقفلكم عليه
راحت روحي تتمشه وره مشاك
جفنك مني جرجرهه وره مشاك
رمش انه حب رقمك وره مشاك
ترد الروح من ترمش عليه
العواذل بيه حبله دوم طالق
سهم بعيونهم كل وكت طالق
بعد ماخاف كلت للخوف طالق الشجاع يموت والروحه رخيه
للشاعر الشهيد رحيم المالكي
انت بيت النحل بيك احله المذاق
وانت اجمل بشر شفته عالارض
ثق اذا ماخاف من رب العباد
وي كل اذان اصليلك فرض
واطب جنت عدن ياترف فرضاك (في رضاك)
ولو تزعل ترض كل عضم فرضاك (في رضك)
اذا ربك يحلل علي فرضاك (الفرض)
اصليلك قدر واكثر شويه
كاس المر جرعته ملزم اني
وزماني داخ بيه مل زماني
اذا انته كتيب ملمزمه اني
ازفلك قصايد وابوذيه
الزمن مشه علي امره وشرطه
واجيب الجدم بس يم واشرطه
الجيش يروحلك فدوه وشرطه
والك ترخص حبيبي الداخليه
صرت نهر وصرت يهواي جالك
ولمت بيه وبعت بإحساس جالك
ما مره ذكرت وشوگ جالك
وعشت مر العذاب المر عليه
هذي ابوذيه الى اخي المغترب..
راح الغالي وانت بعيد ياخوي بس عود
وخفف عليه الضيج والخنگة بس عود
عيدان ظهري تكسرن وما بقى بس عود
ارجع يالعزيز ولمنه سويه
وحك رمضان وأشرافه وكتبه
عليك يهل دمع عيني وكتبه
انه شماريد أهم خطك واكتبه
شدهني جفاك من غصبن عليه
سماح اطلب انا منكم وهدنــــه
كمش بيد التعورنه وهدنــــه
جبل راكَع خجل جيتك وهدنــــه
اصير اتراب ونته اسحكَ عليه
خسرت كل شي وعشرتك مالي منها
وجروح أيام هجرك مالي منها
بغيابك أنة روحي مال منها
وأحسن بيها شكل صارت علية
**** **** ****
ساعة تصير فوكي ساعة دوني
ساعة تصير طيب ساعة دوني
طحت ويصيح صوتك ساعة دوني
اللي يمد أيده ألك نعلة على أبية
السنــــــــــي..
ابد منكول محنه وننتمحنه
وطنه وبيك نبني وانته محنه
اذا صرنه احنه انتم وانتم احنه
عدونه يصير بحلوگ المنيه
الـــرد....
الشيعـــــــــي..
نريد بشؤگ ولفي وننتمنى
وسلوى احنه بجفاك وانتو منى
اذا صرنه احنه منكم وانتو منى
عدونه يصير بحلوگ المنيه
ذبل هرش الكلب بعدك و خاوة
و طمع ما ردت من عندك و خاوة
الفخر مو للذي عاشر و خاوة
الفخر و الطيب لليذكر خويه
ابد ما يوم الفلك بالعدل ينفار
وكلبي اعلى الحبيب بنار ينفار
اكلة ما احبك خاف ينفار(يدوخ)
واذا كتلة احبك طغة علية
وحك من كون الاكوان وابســـــط
انه اسهل من نسيم الريح وابســـــط
چنت املك مخدة صوب وابســـــط
الاجوني فرهدو ذني من اديـة
مشينه بليلة الظلمه وسرنا
جنود من العدو اكتلنه واسرنا
اسرار الناس تكتمه وسرنا
تفضحه وتنشره على البريه
**** **** ****
اضل صاحب سلوك وياك واسلاك
وعلى بابك اخلي حرس واسلاك
وشيطانك اذا فد يوم وس لاك
اگلك خاف الله وحن عليه
اله سنين الفرح وياي مايه
ومو واحداجروح الكلب مايه
اليغص ابلكمه اذا ينطوه مايه
انه بلماي اغص وشلون بيه
**** **** ****
أأمم بيها والجامع ورايه
وصفيت امشي وره الچانوا ورايه
نويت اهجم شلت سيفي ورايه
رماني بسهم عينه وطاح بيه
**** **** ****
يدنيه شبيج حصره دوم نفسي
وعلى الطيبين دوم اتلوب نفسي
اجر حسره ونزل ماصعد نفسي
واذا يصعد حرك هدم العليه
فزع طبع الصبر بينه منخوينه
ويا روحي جروحي منخوينه
اخوي العييد بحزني منخوينه
انخه اشلون وجفوفي بديه
شفت وسفه اعله البحر منحوت
وصرت شاخص حزن منضيم منحوت
اذا يونس عبرته اتصير منحوت
انا الطيب عبره يصير اليه
حديقه بعلم رب الكون ضليت
وعن درب العلم يا ناس ضليت
شجره وبس عله العاوين ضليت
وصرت سايق مخده وجودليه
يصاحب هالوكت النه ولادار
ولاكاع البعد تجمعنه ولادار
لا وكت الذهب مرنه ولا الدر
كضينه ايامنه ابهم واذيه
راء وعين الك مني ودالي
وامس مكتوب محبوبي ودالي
كمت اسمع حسام انه ودالي
لاّن عاشك بنات الناصريه
حنظل لوظكت خدي عسلبيك
وعساهن بيه يفترن عسلبيك
مريض وفدوه دوصلني عسلبيك
تحط ايدك يطيب المرض بيه
يدهري شبيك بالله من صفاتي
صافي وجذب تلكه من صفاتي
الوفه والخير والحب من صفاتي
وصفات الكرم كلهن ذني بيـه
**** **** ****
غرامك فتت المهجه وسلها
وسهم غدرك مرد روحي وسلها
نجوم ليلك حلفها وسلها
ماحب غيرك لاخر نفس بيـه
محاورة الابوذيه بين الشاعر محمد رحيمه الطائي مع عطارد عبد الخالق
وجميع الابوذيات من كتابه الشاعر محمد رحيمه الطائي
الأمرأه :
هجرك يا ولف صاير بلا حد
مثل سيف اليگص رگبه بلا حد
گلتلي انتظري اني ارجع بألاحد
اجه الاحد ويمتى تعود اليه
محمد رحيمه :
احد سجين صبري وجن ولاحد
التفت وماشفت ربعيي ولا حد
شجم سبت اليمر بيه والاحد
اجي بس شوفتج تصعب عليه
الامرأه :
لتهم بالعمر خلصان وحده
وانا ضعني سرى بالهوى وحده
حلت جنها بعيونك غير وحده
وكمت ما تسأل ولا تمر بيه
محمد رحيمه :
غيرج ماحلى بعيني ولا طاب
ولا دونج دخل گلبي ولا طاب
يجرحي وياج لا هود ولا طاب
دم ينزف ولا تدرين بـــيه
الامرأه :
محبتك تجري وي روحي وي دماي
وعليك نشلت عضامي ويدماي
نجويت بأيد انا ناري ويد ماي
ولكن من يطابكهن سويه
محمد رحيمه
موضوع: ابوذيات 5 
الإثنين 29 سبتمبر 2008, 1:40 pm
